Kinsarvik Båtlag

STYREMØTE MÅNDAG 4. JUNI 2018 KL. 18.

Til stades: Bjarte Vikane, Arild Kristiansen, Øyvind Solberg, Terje Kvalvik, Johnny Mæland, Terje Rognsvåg og rekneskapsførar Håkon Grønsdal

1. Referat etter styremøte 10.04.18. Referat godkjent uten merknader.

2. Status/Orientering økonomi. Rekneskapsførar Håkon Grønsdal gjekk gjennom førebels rekneskapstal. Likviditeten er god. Johnny Mæland forklarte at det var tinga reservedelar til bryggjevedlikehald for ca Nok 10.000. Dugnadspengar som skal verta betalte etter arbeid med ny bryggje, kjem på ca Nok 20.000,- og nye straumsøyler reknar ein med vil kosta om lag Nok 20.000. Totalt om lag Nok 50.000. Vi vil då framleis ha nærare Nok 300.000,- på konto.

Det var semje om at vi burde byrja arbeida med eit langtidsbudsjett for å visa kva prosjekt/vedlikehald som må takast på sikt. Dette langtidsbudsjettet bør verta vedteke saman med ordinært budsjett på årsmøtet.

Terje Rognsvåg tek seg av registrering i Brønnøysund av nytt styre. Referata frå årsmøta bør verta underskrivne av fleire personar som er til stades på årsmøta. Dette bør vi ha innarbeidd i rutinane/vedtektene våre.

3. Status/Orientering drift. Håkon Grønsdal hadde laga til eit fint oversyn over alle bryggene. Håkon bad styret kontrollera at dette stemte. Vidare diskuterte styret:

Bruk av tralle vart handsama som sak 9 på årsmøtet– satsar for bruk er kr. 100 pr. døgn for medlemer, og kr. 200 pr. døgn for ikkje-medlemer.Styret meiner at summen er så låg at med døgn i denne samanheng så er det pr. dag/dato. Medlemmer som bruker tralla kan sjølve notera datoar og vipsa leiga for tralle til båtlaget.

Arild Kristiansen er kontaktperson i båtlaget. Arild, i samråd med leiar Bjarte Vikane, avgjer bryggetildeling og andre ting som må/kan verta vedteke mellom styremøta. Større saker vert handsama i styret.

Terje R sender e-post til medlemer om at festing av båtar skal vera utført slik hamnereglementet lyder før 1.oktober. Dersom dette ikkje er gjort, vil styret organisera arbeidet gjort til kostnad for eigar. I e-posten skal vi også minna medlemer om regelen som vart vedteken på årsmøtet sak 5: Båtar skal opp kvart 2. år for reingjering av groe, sjekk av anodar osv.

Arild ryddar bort skrot innanfor porten på C-bryggja.

04.06.2018

Kinsarvik

Terje Rognsvåg

Sekretær

B-bryggja

Nye kaielement og nye utriggarar er komne på plass. Straum er for lengst komen på plass, og i dag, 31. mai, er vatnet montert.

Endring av adresse.

Det er dei einskilde medlemmane si plikt å syta for at styret til ei kvar tid har fått korrekt e-postadresse og postadresse, slik at alle meldingar m.m. kjem fram til den einskilde.

Det er sekretæren i laget, Terje Rognsvåg, som skal ha denne meldinga! Bruk gjerne kontaktlinken på heimesida til båtlaget, eller du finn e-postadressa i oversynet over styret på heimesida.

Pass også på at telefonnummeret som er oppgjeve bak namnet ditt på portane til kaiane, er korrekt! Dette er viktig for styret om dei lyt ha tak i båteigaren om noko skulle vera gale med båten til denne.

STYREMØTE TYSDAG 10. APRIL 2018 KL 1700

Tilstades:
Bjarte Vikane, Arild Kristiansen, , Øyvind Solberg, Terje Kvalvik og rekneskapsførar Håkon Grønsdal
Johnny Mæland og Terje Rognsvåg hadde varsla forfall.

1. Referat etter styremøte 26.2.18.
Gjennomgang av referatet i regi av nestformann Arild, sak 1- 11. Kommentar i høve bryggjeleige/ kostnad på etterregulert breidde, omgrepet som skal nyttast er rentekompensasjon, - ikkje avdrag.
Hamnereglementet,- pr. no er det ikkje aktuelt med endringar.

2. Kven gjer kva i styret, - organisering av arbeidet, - vedtekter m.m
Inn- og utmelding av laget må skje skriftleg på epost eller ved brev til laget. Forslag om å lage ein rutine på heimesida for innmelding, der ein spør etter namn, adresse, telefonnummer, båttype, størrelse og yngst storleik på båtplass.

Vedtekter, - det trengs ein gjennomgang av vedtektene i laget. Arbeidet kan slik ein vurderer det venta, ein må sjå det opp mot mellom anna forslaget om endring i forskift om MVA- kompensasjon. Skrivar må involverast i dette arbeidet.

Plassering av medlemspermar m.m. , 1 hjå rekneskapsførar, den andre i låst skap i klubbhus. Båtlaget har eigen pc, etterlyser denne hjå avgått skrivar.

Rekneskapsførar la fram notat om sine oppgåver for Båtlaget. Styret tok notatet til orientering, - ikkje merknad til dette.

3. Avtale med Ullensvang herad om klubbhuset.
Rekneskapsførar har teke kontakt med heradet om avtalen med tanke på avklaringar rundt innhaldet i den. Styret må haldast informert om dette arbeidet, formann må involverast om det kjem til drøfting/ forhandlingar.

4. Kompensasjon for MVA – innmelding i KNBF
Innmelding i KNBF skjer i tråd med vedtak på årsmøtet, rekneskapsførar har starta prosessen. Det er på sentralt hald fremja forslag om endringar i forskrift om momskompenasjon for lag og foreiningar. Sjå eige notat frå kasserar om saka, - som føreslår at ein utset handsaming til ei eventuell forskriftsendring er avklara. Styret er samde om å utsetje saka om MVA-kompensasjon.

5. Eventuelt
Kva skal ein gjera med den gamle tralla? Bjarte set fram forslag om at han kan frakte den til gjenvinningsstasjonen i Husemoen for kr.1000,- Ingen andre forslag – vedteke.

Den nye tralla må ferdigstillast. Det trengs eit eller anna oppå ståldragaren der kjølen skal stå nedpå. Arild tek ansvar for denne jobben.

Hamnesjefen, - Andreas, ynskjer oppslag på kvar bryggje med namn, tlfnr. og breidde på båtplass . Dette for å lette arbeidet som gjestehamn. Rekneskapsførar har utkast til løysing, og ser på dette.

Terje Kvalvik

Fungerande skrivar

Gjeldande kostnader for tildeling av båtplass, medlemskontingent m.m. for 2018.

For å få eit oversyn over kva tildeling av båtplass kostar, storleik på medlemskontingenten, bryggjeleiga, fastavgifta er, viser ein til menylista merka "Dokument". Trykk her og gjeldande prisar dukkar opp! For gjestande båtfolk viser ein til Menylista: Gjestebryggja/Guest quay/Gästehafen.

Medlemene vart ynskt velkomne (14 stk) av formannen, og innkalling, årsmelding og rekneskap 2017 og budsjett 2018 vart godkjent. Årsmøtet ynskjer at laget opprettar «mailgruppe», og at innkalling til årsmøte med sakspapir vert sendt elektronisk til medlemene.

Sak. 1 – ny brygge. Johnny Mæland orienterte om prosessen, og val av leverandør (Jamax, Os i Hordaland). Årsmøtet vedtok styret sitt forslag samrøystes, dvs. det vert inngått kontrakt med Jamax levering vår 2018, finansiering av laget sine eigne bankinnskot. Johnny Mæland er prosjektleiar/tilretteleggjar av praktisk arbeid mv.

Sak 2 – straum i hamna. Styret sitt forslag forkasta med 5 for/9 mot. Forslag frå Arild Kristiansen/Terje Kvalvik om berre adm. påslag kr. 150/år vart vedteke. Straumpris vert gjeldande pris straum til brukarane + adm. påslag kr. 150/år.

Sak 3 – leigeprisar gjestehamn. Styret sitt framlegg (sjå sakspapir) vedteke med tillegg – båtar over 40 fot, kr. 250,- døgn. Ordninga med reduksjon (rabatt) fleire døgn fell vekk.

Sak 4 – auka bryggjepris/leige. Styret sitt framlegg vedteke mot 1 stemme. Dvs. bryggjeleiga aukar med kr. 100 kr/m brygge pr. år.

Sak 5 – tryggleik i hamna. Styret skal fylgja opp vedtektene/hamnereglementet i høve stell og vedlikehald båtane i hamna. Eks. festing i brygge jfr. reglement, og båtar skal opp kvart 2. år for reingjering groe, sjekk av anodar osv.

Sak. 6 – MVA- registrering og innmelding KNBF (Kongeleg Norsk Båtforening) – innmelding i registeret for mva – refusjon og KNBF vedteke samrøystes.

Sak 7 - VIPS – det er no mogeleg å betala for seg med nemnde ordning – gjestehamn og faktura til båtlaget.

Sak 8 - godgjersla til styret – vart vedteke vidareført jfr. saksdokumenta til årsmøtet.

Sak 9 - bruk av tralle – årsmøtet vedtok vidareføring av dagens ordning mot 1 stemme.

Sak 10 – rentekompensasjon for medlemer som har vald «avbetaling» endra bryggjeleige – orienteringssak til årsmøtet.

Sak 11 – Gjennomgang av vedtekter/hamnereglement. Nytt styre skal gå igjennom nemnde dokument, og vurdera ekstraordinært årsmøte – dersom endringar krev dette.

Saker til handsaming/vedtak: (sak 7, 8, 9 og 11 er orienteringssaker, men kan diskuterast/kommenterast).

SAK 1. Ny brygge – Johnny Mæland orienterer om kontakt med Jamax, Os, og leveringsbetingelsar, praktiske spørsmål mv. Johnny Mæland er oppnevnt som prosjektleiar – og planlegg litt korleis dette skal gjennomførast – dersom årsmøtet gjer vedtak om kjøp. Gamal brygge er avtala seld til Lofthus Båtlag for kr. 10.000,- Bjarte har kontakt med dei. Styret meiner at tiltaket kan finansierast av laget sine eigne midlar utan låneopptak.

Sak 2. Straum i havna – styret gjer framlegg om kr. 0,50 i påslag straumpris + fasavgift på kr. 150/år. Vikår som elles vedteke tidlegare – rekneskapsførar har laga tekst/formulering til ordning/avtale – sjå tekst under:

Bruk av straum i hamna skal vera formalisert mellom Båtlaget og brukar i form av skriftleg avtale. Frå og med 1. september til og med 30. april skal all straum som vert brukt av medlemer eller gjester målast med straummålar og betalast for. Forbruket vert målt ved avlesing per 1/9, 31/12 og 30/4. Brukar vil vera ansvarleg for bruken, og kan sjølv sikra uttaket. Straumuttak som ikkje er i bruk eller er leigde bort, vert avlåste eller kopla frå.

For bruk av straum i dette tidsrommet skal betalast det same per kwh som Båtlaget betalar for straumen, pluss eit påslag på 50 øre per kwh. Dette til dekning for kostnader og arbeid Båtlaget har med å administrera ordninga. Faktura vert sendt ut i mai for 1. halvår og etter årsskiftet for 2. halvår, og skal førast i rekneskapen for det året straumen er brukt.

I tillegg vert det kravd ei årleg «fastavgift» på kr 150 per år som vert teke med på fakturaen for 2. halvår. Fastavgifta vert ikkje refundert ved kortare/avbroten leigetid.

Frå og med 1. mai til og med 31. august er bruk av straum gratis. Båtlaget oppmodar alle medlemer om å la feriegjester nytta uttaka, dersom ein ikkje nyttar det sjølv.

Sak 3. Leigeprisar gjester båthamna – styret gjer framleg om moderat auke prisar gjester båthamna. Båtar opp til 30 ft. 150 kr/døgn, 30-40 > ft. 200 kr/døgn. Ordninga med prisreduksjon ekstra døgn fell vekk. 0-plassar 300 kr/mnd. Nokon plassar C-bryggja 500 kr/mnd, og leige vanlege plassar 790 kr/mnd.

Sak 4. Auka bryggjeleige medlemer med fast båtplass. Styret gjer framlegg om auke kr. 100 /m – eks. vil dette medføra at eit medlem med 3 m brei båtplass får kr. 300,- meir i bryggeleige. Dette vert gjort for å byggja opp fond til framtidig vedlikehald. Ellers vil Arild orientera litt om kva me bør ta omsyn til frametter, og medlemene bør og gjera seg opp ei meining om korleis laget skal driftast, eks. utbygging av gjestehamn med tanke på fleire gjester, eller skal båtlaget primært vera for medlemer og eigne båtar..??

Sak 5. Tryggleik og stell/vedlikehald av båtar som ligg i båthamna. Nestformannen har kome med forslag om at alle båtar skal opp på land for sjekk bunnsmurning, annoder, festeanordningar brygge etc. Dette for at tryggleiken skal vera best mogeleg for båtlaget, medlemene, og førebyggja uynskte hendelsar med sakde brygge/båtar. Orientering ved nestformannen.

Sak 6. MVA og innmelding KNBF med tanke på moms refusjon. Dersom årsmøtet gjer vedtak om innmelding – må vedtektene gjennomgåast og mogeleg endrast noko. KNBF kan truleg vera til hjelp omkring dette – og elles i praktiske/økonomiske spørsmål laget måtte ha.

På styremøtet den 14. august i år kom eg inn på ordninga med kompensasjon for meirverdiavgift (mva) til frivillige organisasjonar, og i samband med dette interesseorganisasjonen Kongelig Norsk Båtforbund (KNBF). Kjelder for det eg gjorde greie for er i hovudsak heimesida til Lotteri- og stiftelsestilsynet som administrer ordninga med kompensasjon for mva, og heimesida til KNBF. I dette notatet er eit samandrag av det eg sa på møtet:

For 2015 (utbetalt i 2016) fekk over 23 000 lag og foreiningar utbetalt 1,29 milliardar kroner frå Staten som delvis kompensasjon for utgifter dei hadde til mva. Av desse var 236 båtforeiningar, 219 gjennom KNBF og 17 sjølvstendige. Av dei som var tilslutta KNBF var utbetalt frå kr 638 til den minste og kr 445 362 til den største, gjennomsnittleg knapt kr 35 000. Ordninga har ikkje gitt full kompensasjon, sist utbetaling kompenserte 76,3% av godkjende utgifter til mva.

2) Forenkla modell, der ein berre dokumenterer dei totale driftsutgiftene. Av dette reknar systemet med at 7% er utgifter til mva.

3) Dersom eit lag har hatt godkjende driftsutgifter på kr 250 000, ville laget for 2015 fått utbetalt kr 250 000 x 0,07 x 0,763 = kr 13 352.

Eit lag som har ein stor del av utgiftene i form av utgifter det er mva på, vil altså tena på den dokumenterte modellen. Og omvendt.

Dersom eit lag er medlem av ein større organisasjon, for Båtforeiningar KNBF, må ein søkja gjennom organisasjonen og nytta forenkla modell.

Minstegrense kr 200 000 i godkjende totalkostnader (forenkla modell) eller kr 14 000 i utgifter til mva (dokumentert modell). Minstegrensa gjeld ikkje for søknad gjennom «sentralledd». Kinsarvik båtlag vil truleg falla under minstegrensa dei fleste år, slik at sjølvstendig søknad er uaktuell. Det skal gjerast ein del frådrag i grunnlaget, som kan vera aktuelle for eit båtlag. Som t.d. straum som vert betalt av medlemene, og kanskje fleire andre ting. Kan vera komplisert og må sjekkast nærare. Utgifter til investeringar skal haldast utanfor.

Det er eit vilkår at laget kan definerast som ein «aktiv og frivillig organisasjon» og innfrir vilkåra for registrering i Frivilligregisteret i Brønnøysund, og vera innmeld der. Dersom Kinsarvik båtlag skal meldast inn i registeret, må vedtektene tilpassast. Dagens §9 om oppløysing av laget må i alle fall endrast. Ein annan fordel med å vera med i Frivilligregisteret er at ein då kan motta Grasrotmidlar frå Norsk Tipping.

Kinsarvik båtlag bør vurdera medlemskap i KNBF. I praksis trur eg dette er nødvendig for å kunna delta i ordninga med mva-kompensasjon. Viss ikkje vert ein lett råka av minstegrensa, og det vil i alle fall forenkla søknadsprosessen vesentleg. Vidare vil ein der kunna få råd og hjelp i samband med ein søknad om mva-kompensasjon, særleg om kva for utgifter som skal takast med og ikkje.

Det er også andre fordeler med eit medlemskap i KNBF, bl.a. rabattordningar på forsikring og andre ting. Sjå heimesida deira.

Medlemskap for eit båtlag kostar kr 50 per medlem i året (dvs. om lag kr 3 500 for Kinsarvik båtlag). Dei har også ordning med kollektivt medlemskap for medlemene, som i tilfelle kostar kr 120 per medlem. Direkte medlemskap for ein person kostar kr 350.

I vårt område er følgjande båtlag medlemer i KNBF. Medlemstal i parentes, kronetalet er motteken mva-kompensasjon ved dei to siste tildelingane (utbetalt i 2016 for året 2015 /
2017 for året 2016):

Sak 7. VIPS – rekneskapsførar har vore i kontakt med SPV – og oppretta konto for VIPS betaling – noko som gjer det lettare for gjester i hamna å betala for opphaldet. Kontrolltilgang Håkon og Arild konto for sjekk betaling. Laget må laga til INFO om dette i båthamna – og leggja ut kontonummer heimesidene.

Formann kr. 5000 år. Skrivar 5000 år. Rekneskapsførar 5000 år. Nettsideredaktør 1500 år. Styremedlem kr. 250 pr. møte. Elles vert arbeid i hamna som er godkjent (vedlikehald ymse) godtgjort med kr. 150 pr. time. Revisor kr. 1000 pr. år. Vert vidareført dersom årsmøtet ikkje vedtek noko anna.

Sak 9. Bruk av tralle – satsar for bruk er kr. 100 pr. døgn for medlemer, og kr. 200 pr. døgn for ikkje medlemer. Medlemer har fortrinnsrett til leige. Det skal utformast avtale om vinterlagring med Vikane Entrepenør og vilkår knyta til dette.

Sak 10. Kostnad rentekompensasjon for medlemer som har vald «avbetaling» endra bryggeleige – vert sendt ut saman med faktura medlemsavgift div (rekneskapsførar lagar oversyn utrekning for den enkelte kva dette utgjer). Sjå eksempelet nedanfor:

"Styret ynskjer primært at dei som etter vedtaket av 04.12.2017 skal betala inn tilleggsinnskot, gjer dette. Men styret vil likevel, som eit alternativt tilbod for dei som måtte ønskja det og når det gjeld tidlegare endringar, tilby at dette kan ordnast med at dei i staden betalar ein årleg rentekompensasjon som tillegg til bryggjeleiga. Renta vil måtta følgja det generelle rente¬nivået, og årsmøtet vil fastsetja denne for kvart år som del av vedtaket om kontingentar og leigeprisar. Styret skisserte at ei slik rente etter dagens rentenivå vil bli om lag 2,5%. Dersom nokon i staden for å betala tilleggsinnskot vel dette alternativet, vil ein med dagens rente få eit årleg tillegg i bryggjeleiga på 2,5% av kr 9 784 = kr 245. Og ved ev. utmelding vil du då sjølvsagt berre få attendebetalt kr 10 048 tilsvarande det innskotet du er registrert med no."

Sak 11. Når det nye styret har konstituert seg etter årsmøtet – bør ein sjå igjennom og retta opp/ endra tekst i høve til endringar og vedtak som er gjort i seinare tid – både vedtekter og hamnereglement.

Aktiviteten i laget er god – med dei fleste båtplassane utleigde til medlemene eller andre inn-og utanbygds personar med båt. Også i år har me hatt ein del gjesteutleige i samband med at båthamna p Lofthus ikkje vart ferdig som planlagt.

Interessa for å kjøpa eller leiga plass i båthamna er svært god – og det er pr. dato berre 4 ledige plassar. Rekneskapsførar og laget har hatt ein gjennomgang av alle båtplassane og opplysingar for den einskilde i høve til økonomi og størrelse.

Her har det over mange år vorte gjort mindre endringar som ikkje har vorte gjort noko med, eks. medlemer har fått større/mindre båtplass. Dette arbeidet er no ajour.

Økonomien i laget er tilfredsstillande – men ein må nok rekna med at i åra som kjem – må det setjast av midlar/bygge opp fond for å ivareta nødvendig vedlikehald og reperasjonar.

Ordninga med dugnad er avvikla – men det har likevel vorte gjort ein del vedlikehaldsarbeid av medlemer etter gjeldande reglar. Mellom anna har dykkar sjekka festene for bryggjene.

Årsmøtet 2017 vert i år halde noko tidlegare enn vanleg – dette har samenheng med mogeleg avgjerd innkjøp av ny brygge B – sjå eiga sak til årsmøtet.